A Asociación de Empresarios de Ribeira vai facer efectivo este mércores 12 de abril o premio de 1.000 euros outorgado con motivo do Día do Pai, entregado, como lembraremos, o pasado 24 de marzo. Será a través dun acto formal convocado en Opticalia, ás 18.30, que é o establecemento que outorgou o dito premio. Asistirán o presidente da patronal de Ribeira, Francisco Martínez Gude, o concelleiro de Comercio, Ramón Doval, o gañador do premio da campaña do Día do Pai, Andrés Crujeiras, e unha asistente persoal que lle axudará a gastar a dita contía nos comercios participantes na iniciativa. Esta campaña resultou novamente un éxito de participación, tal e como salientou os días pasados o presidente da asociación, destacando que en dúas semanas puideron ser rexistrados máis de 2.500 tíckects. Esta campaña estivo co-financiada pola Xunta de Galicia.
