Os cofrades da Dorna decidiron este sábado o programa de actividades que terán lugar entre o 18 e o 24 de xullo no que se desenvolverá o 75 aniversario. Previamente o 4 de marzo terá lugar unha nova edición da cea benéfica no que se reúne diñeiro para engrosar o fondo social que a entidade destina a causas solidarias.
Tamén o 11 de marzo será a segunda edición da Carreira de Matriarcas, unha cita que se instaurou o ano pasado co fin de conmemorar o Día Internacional da Muller. Nela, os integrantes das penas enfróntanse a probas que van desde enfiar unha agulla ata facer un peiteado cunha trenza.
As peñas están chamadas a unha reunión o próximo día 25, na que se decidirá a cor do suadoiro que lucirán este ano os dorneiros.
