A xira Tabú, de Tarabela Creativa, chega este sábado pola tarde-noite a Porto do Son. Será na Casa da Cultura da vila sonense a partir das 20.00 horas. A entrada será de balde. Trátase dunha función teatral abeirada á Rede Cultural da Deputación da Coruña. Tabú é unha obra de Carmen Conde que xorde directamente das conversas recollidas con mulleres de entre 70 e 95 anos no Valmiñor, O Morrazo, O Courel, A Mariña Lucense, A Costa da Morte ou O Couto Mixto sobre a súa vida erótica e sexual. A vertente musical da obra vén da man de Nastasia Zürcher.
