A rápida intervención dos Bombeiros evitou que as lapas se propagaran e que as consecuencias fosen maiores.
De feito, a esta hora, o lume está extinguido, os Bombeiros proceden coas tarefas de arrefriamento. Ardeu a metade do inmoble, quedando practicamente a nave, situada no Polígono de Costa Vella, inservible polo fume.
Todo comezou sobre as dez menos cuarto desta mañá. Operarios de establecementos lindeiros contactaban co 112 Galicia para informar de que saía fume moi denso dunha nave, moi preto dunha gasolineira.
A Policía Local xa tiña constancia e achegouse decontado ao punto, así como os Bombeiros da cidade. Os axentes da Policía Nacional e os efectivos de Protección Civil tamén foron informados.
Segundo a información recibida no 112 Galicia a través de diversos alertadores, o lume comezou pola parte de atrás da nave, pero, os Bombeiros xa indicaron que o inicio do lume puido ser no seu interior. Afortunadamente, ao estar pechada, non houbo que lamentar danos persoais.
