Este xoves regresaron novamente as mobilizacións a Corrubedo, cuxa veciñanza, ante o risco de quedar sen atención médica estábel e continua, volve manifestarse para reclamar a recuperación dos servizos médicos habituais no Centro de Saúde da localidade.
Varios centos de veciños concentraronse por cuarta vez. A marcha iniciouse a carón do Bar Stop e non é a primeira vez que se concentran para esixir un médico a tempo completo no consultorio, xa que a carencia dun facultativo que pase consulta obriga aos pacientes para desprazarse ao centro de saúde de Ribeira.
A finais do pasado mes de novembro, desde a Consellería de Sanidade explicaron que se trataba dun problema puntual, debido á escaseza xeneralizada de médicos de atención primaria. As mesmas fontes engadiron que a intención é manter o servizo médico da localidade de luns a venres, aínda que o máis probable é que non se recupere o horario completo do pasado, debido a que non hai cartillas suficientes.
