Ambar reforma o seu sistema de protección contra incendios no seu Centro de Recursos en Frións

18 Novembro 2022

A asociación inclusiva da nosa comarca Ambar reformou este ano o sistema de protección de incendios do seu Centro de Recursos (Frións, Ribeira). Este proxecto de seguridade foi posíbel co co-financiamento da Xunta de Galicia a través dos fondos do 0.7% do IRPF.

A finalidade desta reforma foi “garantir a seguridade das persoas usuarias do Centro de Recursos realizando a substitución dos elementos coma os detectores de fume que contaban con máis de 10 anos así como instalar unha nova central de detección de incendios que permita a dixitalización e control remoto do sistema de protección contra incendios”, explicaron fontes da asociación de persoas con diversidades funcionais e cognitivas.

Gracias a esta reforma Ambar dispón agora dun sistema de protección contra incendios que permite “actuar con maior axilidade, detectando o punto exacto onde salta a sinal de alarma e verificando a emerxencia en cuestión de segundos, así como a verificación e control remoto sen ser preciso estar nas propias instalacións”.

Outros artigos

En Ribeira a rapazada de Banda ó Río estrea un novo parque infantil

O barrio ribeirense de Banda ó Río estrea hoxe un parque infantil completamente renovado. O goberno local, xunto cun bo número de veciños e veciñas, puideron comprobar as novas instalacións de xogo. O investimento para actualizar o Parque de Pedra Pateira ascendeu a...

+

Publicidade

Revista en papel

Opinión

“O Barbanza: Cinco anos de xornalismo independente”

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...