O equipo noiés de fútbol sala proclamouse vitorioso na xornada deste sábado contra O Parrulo

O desenlace desta pretemporada 2022/2023 para o Noia Portus Apóstoli tivo lugar en Ferrol. O equipo sorprendeu desde o comezo, sacando a Pirata como porteiro-xogador durante o primeiros vinte minutos. Esta estratexia obrigou aos xogadores do Parrulo Ferrol a dedicar á defensa da súa área os primeiros minutos do xogo.

Cando o xogo estaba igualado, un gol de Neginho marcou o desempate, na primeira ocasión que tivo de marcar o Noia Portus Apóstoli. Pouco despois, os noieses tentaron outro tiro de novo, aínda que foi despexado polo xogador *Álex Regueira, do equipo ferrolán.

O empate por parte dos ferroláns chegou cun contragolpe entre Turbi e Adri. O Noia reestableu a súa vantaxe, cando Pirata cambiou o marcador a 1-2 no minuto 15 do xogo. Tamén o terceiro gol dos noienses produciuse grazas ao xogador lucense, xa na segunda metade do partido.

Un último fallo do equipo local no xogo de cinco levou ao Noia Portus Apóstoli a marcar o seu cuarto e último gol do partido, da man de Edu Jabá, que o levou á vitoria en Ferrol.