Este sábado 10 de setembro o arcebispo de Santiago de Compostela, monseñor Xulián Barrio, visitou a parroquia ribeirense de San Xulián de Artes, onde procedeu á confirmación dun grupo de mozos das fregresías.
Ao finalizar a cerimonia, o arcebispo bendixo a imaxe de Cristo Crucificado e tivo un encontro cos catequistas da parroquia.
A obra foi feita por Ricardo Davila Santos, o Cristo é de madeira de cedro, o Espirito Santo de xapeli, e os medallóns de San Xoaquín e Santa Ana, pai e nai da Virxe o lado do Cristo, foron bendicidos polo Arcebispo e tamen os sacerdotes que levaron Artes D. Aurelio e D. Gelasio, e mais o párroco de Artes D. Alfonso.
O acto contou coa intervención do coro de Corrubedo, e fixeron confirmacións mozos de Artes, Ribeira e Olveira. Asistiron o Alcalde de Ribeira e membros da corporación, representantes de asociacións, veciños e amigos. Durante o acto entregáronse agasallos a D. Aurelio e a D. Gelasio que lles foron entregados polo Arcebispo don Julián.
O final houbo un ágape no Centro Recreativo de Artes amenizado polo grupo de gaitas de Artes “Os Liantes” e entregóuselle tamén un agasallo a Ricardo Davila.
