A choiva anunciada para hoxe luns polos partes meteorolóxicos ofreceu unha tregua que permitiu que a Procesión na Honra de Santa Uxía, patroa da cidade, poidera saír ás rúas de Ribeira despois de oficiarse a misa solemne: cerimonia que finalmente se celebrou no interior do templo parroquial e non no adro como estaba inicialmente programado.
Entre as autoridades presentes figuraban o alcalde e outros representantes da Corporación Local, os patróns maiores de Ribeira e Aguiño, o comisario xefe da Policía Nacional, o xefe da Policía Local,
membros do EVA-10 ou os presidentes da Asociación de Empresarios e da Asociación de Amas de Casa. Contou co acompañamento musical da Banda de Música de Lousame.
A Eucaristía estivo presidida polo párroco de Santa Uxía, Alfonso Mera, acompañado por unha ducia de sacerdotes da comarca cantou o Coro Sacro de Ribeira, dirixido por Tucho. Despois da procesión celebrouse un ágape no que participaron ducias de veciños no adro da Igrexa parroquial.
Cambios pola tarde
Onde se están a experimentar cambios polo mal tempo son nas últimas actividades das festas patronais. Así, os inchables que ían ter lugar de cinco a oito da tarde na praza do Concello cambian á carpa
do Malecón, mentres que o espectáculo de maxia Galicia Ilusiona coa maga Lore Lavand pasa dende a Porta do Sol ata o Auditorio Municipal. Principiará ás oito e media da tarde.
