Ambar organiza unhas Xornadas sobre Información Xurídica

30 Agosto 2022

A Sala Carballeira do centro de recursos da Asociación Ambar das Persoas con Diversidade Funcional foi este 30 de agosto o escenario dunhas Xornadas de Información Xurídica financiadas pola Secretaría Xeral da Igualdade da Xunta de Galicia. Pablo Ferreirós, especialista en materia xurídica, foi quen levou a cabo esta sesión divulgativa, na que explicou as últimas modificacións introducidas pola Lei 8/2021, de 2 de xuño (pola que se reforma a lexislación civil e procesual para o apoio ás persoas con discapacidade no exercicio da súa capacidade xurídica), poñendo o foco nas modificacións que esta lei supón no eido da capacidade de obrar e a figura de titor/curador legal.

Estas xornadas estiveron dirixidas a mulleres con diversidade funcional e a familias que tiveran persoas con diversidade funcional ao seu cargo, de toda a comarca do Barbanza, na procura de mitigar o descoñecemento ao respecto dos cambios da nova lei, e promovendo o acceso á unha información á que moitas mulleres en situación de especial vulnerabilidade poden ter dificultades de chegar.

Acudiron a esta xornadas 29 persoas: un grupo formado por familiares, persoas usuarias e profesionais do centro. Entre os asistentes estiveron presentes Milagros Rey, presidenta de Ambar; Helena Teira, coordinadora xeral; Rosana Olveira, coordinadora dos servizos de atención diúrna; Alicia Romero, secretaria da Asociación Ambar e Zeltia Iglesias, técnica de inclusión do centro.

As persoas profesionais inscritas nas xornadas tiveron oportunidade de actualizar as súas competencias nesta materia para deste xeito poder mellorar a súa atención individualizada ás persoas usuarias e familias.

A información foi adaptada para a súa mellor compresión e accesibilidade, solucionando aquelas dúbidas que xurdiron acerca das novidades expostas neste tipo de trámites, así como outros aspectos que as mulleres usuarias e as súas familias necesitasen co obxectivo de incidir na mellora do exercicio dos seus dereitos e, tamén, permitíndolles exercer as súas obrigas xurídicas con pleno coñecemento.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Legislatura serena y estable”. José Castro López

“Legislatura serena y estable”. José Castro López

El inicio de la duodécima legislatura en el Parlamento gallego reconcilia con la política,al menos por unos días. Sin entrar en los detalles de la liturgia protocolaria del acto, haydos imágenes relevantes que captaron las cámaras y publicaron los medios impresos...

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...