A Viamare Stock Feira de Oportunidades contará con 23 establecementos participantes

03 Agosto 2022

A sede da Asociación Empresarios de Ribeira acolleu este mércores 3 de agosto a presentación da XVII edición de Viamare Stock Feira de Oportunidades. Segundo fixeron saber os participantes no acto, esta nova edición contará con 23 establecementos, dous máis ca na anterior convocatoria. O presidente da patronal Francisco Martínez Gude explicou que este ano estarán representados un amplo número de sectores como poden ser moda e complementos, zapaterías, óptica ou decoración. “Este número de participantes reforza e consolida esta feira como a máis importante da comarca do Barbanza” sinalou Martínez Gude. No acto tamén interveu Manuel Ruiz, alcalde de Ribeira.

Un ano máis, a feira desenvolverase na explanada do porto de Ribeira. Abrirá as súas portas o venres 12 de agosto e teranas abertas até o domingo 14, cos seguintes horarios: venres e domingo de 11:00h a 22:00h e sábado de 10:00h a 22:00h de xeito ininterrompido. A Asociación de Empresarios salientou “que o mis relevantes destas xornadas serán os grandes descontos dos 23 comercios que participan”.

Este ano a feira volve contar coa colaboración do Centro de Día de Alzhéimer de Ribeira, AGADEA. “Estamos encantados de que un ano máis os usuarios do Centro de Día decoren a carpa e podamos darlle visibilidade a todo o labor que están levando a cabo os nosos maiores, explicou Martínez Gude, lembrando que este evento é posíbel grazas ás subvencións da Xunta de Galicia, a Deputación da Coruña e o Concello de Ribeira. “Esperamos que este ano esta feira sexa todo un éxito como as predecesoras edicións e convidamos a todas as veciñas, veciños e turistas a vir a Ribeira a pasar unhas xornadas animadas e aproveitarse dos grandes descontos que ofrece o comercio de calidade de Ribeira”, engadiu o presidente da patronal.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...