O centenar de nenos e nenas asistentes aos campamentos municipais de conciliación Xoga con Nós e Camp of Cultural Summer están a visitar estes días a exposición Ribeira, mulleres, homes e peixes, de Antonio Pérez, inaugurada o venres pasado no Centro Cultural Lustres Rivas.
O alumnado achégase a estas dependencias distribuído en dous grupos, dos cales o dos máis pequenos fixeron a visita no día deste martes 10 de agosto en tanto que os máis maiores farano este mércores 11.
A técnica do Concello Alicia Padín foi a encargada de guialos polo contido, integrado por medio cento de cadros de temática mariñeira.
