Os seareiros da informática volven darse cita na XGN R Encounter do 7 ao 9 de outubro A 2022 edición da histórica party informática galega XGN R Encounter celebrarase do 7 ao 9 de outubro, volvendo reunir a profesionais e seareiros da informática e as novas tecnoloxías nunha cita que alcanza xa a súa 22ª edición. O encontro, o maior de Galicia das súas características (unha xuntanza da mocidade para compartiren experiencias e coñecementos arredor das ferramentas dixitais) artellarase nas súas zonas habituais nos dous pavillóns principais da Feira Internacional de Galicia Abanca: a Intranet, orientada a inscritos, permitíndolles desfrutar dun posto con dereito a acampar e a participar en actividades exclusivas, e a Extranet, que ofrecerá un completo programa de propostas tanto para inscritos como para quen visite o recinto.[ler máis]Razer presenta un controlador para streaming  Nos últimos anos Elgato conseguiu que a súa Stream Deck se convertese nun complemento ideal para as retransmisións de vídeo en directo a través das posibilidades que ofrece esta especie de teclado programable, e a marca para gamers Razer lánzase agora a competir con este produto co seu Razer Stream Controller, un dispositivo moito máis completo, que realmente trátase dunha versión remarcada de Loupedeck Live, buscando así chegar a un público máis amplo grazas á reputación de Razer.[ler máis]PlayStation anuncia un novo programa de fidelidade  Os xogadores de consolas PlayStation contarán este ano cun novo programa de fidelidade, PlayStation Stars, que permitirá que os membros poidan gañar premios por completar diferentes campañas e actividades. Nalgúns casos chegará con xogar a un título para recibir un premio, mentres que noutras campañas será preciso gañar torneos, conseguir certos trofeos ou ser o primeiro xogador da zona horaria en conseguir o platino nun título de éxito.[ler máis] |
“Prioiridade nacional, onde e con quen?-“. Antón Luaces
Dicir "os españois primeiro" é o equivalente a poñer en determinadas bocas citas indebidas e nas mans desas persoas a chave que só abre portas a moi concretos españois que, dende as opcións de VOX e outros partidos das súas características, constatan que se...
