O pasado 1 de xullo presentouse unha nova edición do programa de deporte na rúa Noia Actívase, unha das moitas propostas de lecer e dinamización do Concello para este verán. A axenda desenvolverase entre o 4 de xullo e 2 de setembro e inclúe diferentes opcións de actividade física e mental en diferentes puntos da vila noiesa e o concello (en Barro, no Tapal, no paseo marítimo e máis no Curro). En concreto, haberá sesións de gap, pilates, zumba, body jump, body jump kids, mantemento, fullbody, gluteboom e ioga. Poderán participar persoas de diferentes idades e, de feito, algunhas das propostas (como body jump kids) foron concibidas para a rapazada.
