Axentes da Patrulla Fiscal e Fronteiras da Garda Civil de Noia, no transcurso dunha inspección a un establecemento da localidade de Aguiño, localizaron 136 paquetes de tabaco carentes das súas correspondentes marcas fiscais.
Así o informou o Instituto Armado, que indicou que a mercadoría foi localizada nun altillo anexo á cociña do local, carente de marcas fiscais. Tras facer reconto #ante a propietaria, a Garda Civil procedeu á aprehensión do tabaco.
Por estes feitos a Benemérita tramitou unha acta denuncia ao artigo 11 da Lei 12/1995 de represión do contrabando, que foi remitida á Dependencia Provincial de Aduanas e Impostos Especiais da Coruña.
Pola súa banda, o tabaco aprehendido foi entregado á empresa encargada da recollida.
