“Un premio para os que velan pola vida do noso mar”. Antón Luaces

13 Maio 2022

A celebración este venres, 13 de maio, do Día do Biólogo, permitiu ao Colexio Oficial de Biólogos de Galicia recoñecer os case que 30 anos de traxectoria do Insituto Tecnolóxico para o Control do Medio Mariño (Intecmar) no seu constante labor a prol do control da calidade do medio mariño e técnico-sanitario dos produtos do mar.

O premio Institución do Ano concedido polo colectivo foi recollido pola directora do Intecmar, Covadonga Salgado, quen agradeceu o galardón ao tempo que salientaba a significación este recoñecemento, un máis, ao labor que realizan a diario todos os profesionais no control do medio mariño da Comunidade galega.

No mesmo acto foi recoñecida asimesmo a traxectoria dos biólogos colexiados  con máis de 25 anos de exercicio,a mellor bióloga/o do ano, a gran empresa e peme de 2022, así como a institución investigadora do exercicio ao tempo que se tributou homenaxe aos membros de honra  do Colexio Oficial de Biólogos de Galicia.

O premio entregado ao Intecmar pon en valor o intenso e exhaustivo traballo que realiza o centro no control do medio mariño co obxectivo de permitir o cumprimento das normas  relativas a aspectos como a seguridade alimentaria e a sanidade animal dos moluscos bivalvos, entre outros. Ese valor supón a realización de arredor de 90.000 análises de distinto tipo ao ano, sen ter en conta aqueles outros que veñen dados polas coñecidas mareas roxas e, moito máis prexudiciais e custosas, as mareas negras rexistradas nas augas galegas por graves accidentes marítimos nos que o  labor do Intecmar foi decisivo

Outros artigos

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...

+

Publicidade

Revista en papel

Opinión

“Paz e despois gloria”. Luís Celeiro

“Paz e despois gloria”. Luís Celeiro

Eles tamén ganaron, aínda que desta vez, como noutras ocasións, houbo perdedoresagochados detrás do parapeto da verborrea ou dese inmenso muro de silencio. Taménhoubo quen, con tristura e desacougo, admitiu a derrota e parece que está en disposiciónde intentalo...