Muros acolleu a presentación dun sistema automatizado para medir a calidade da auga con vehículos non tripulados

03 Maio 2022

O porto de Muros acolleu este martes 3 de maio a presentación dun innovador e pioneiro sistema automatizado para a mediación da calidade de auga con vehículos non tripulados. Na presentación do sistema, o primeiro que vai usar a Xunta destas características, participaron o vicepresidente segundo e conselleiro de Economía, Francisco Conde; e a conselleira do Mar en funcións, Rosa Quintana.

A tecnoloxía dada a coñecer en Muros, abeirada ao programa Mar-2, foi unha realidade grazas á fórmula da Compra Pública Innovadora, a través dunha UTE formada por Indra e polas empresas galegas Sistemas, Soluciones y Proyectos de Información e Adantia.

En termos máis concretos, a solución componse dun vehículo aéreo non tripulado e dunha embarcación non tripulada equipados con sistemas de medición da calidade da auga para a toma de mostras, cunha plataforma para a administración e almacenamento de datos.

Quintana incidiu en que esta solución “permite a recollida de mostras e a medición de parámetros de calidade da auga de forma autónoma, o que mellora o desenvolvemento da actividade por parte dos profesionais do Instituto Tecnolóxico para o Control do Medio Mariño, o INTECMAR”.

Este tipo de dispositivos, engadiu, permiten unha recollida de datos máis intensiva podendo actuar incluso en situacións de condicións meteorolóxicas e marítimas adversas. O obxectivo, destacou a titular de Mar en funcións, é “mellorar os procesos na medida do posíbel e acadar unha maior eficiencia na realización dos labores de control e de seguimento do medio mariño de Galicia”. Rosa Quintana tamén fixo saber que a solución xa está plenamente integrada nas operativas de traballo do Intecmar, de Augas de Galicia e do Laboratorio de Medio Ambiente de Galicia.

Así, o INTECMAR coordina as mostraxes coa embarcación na ría de Muros-Noia e realízanse cunha frecuencia semanal. Amais, Augas de Galicia está a realizar, con carácter trimestral, tomas de mostra co vehículo aéreo non tripulado nos encoros de Eiras, Caldas, Portodemouros, Barrié de la Maza, Santa Uxía, Ribeira, Eume, Forcadas e na ría de Vigo. De xeito complementario, o Laboratorio de Medio Ambiente de Galicia está a realizar a análise dos datos recibidos.

Outros artigos

Publicidade

Revista en papel

Opinión

“Plácido Vila”. Xulio Xiz

“Plácido Vila”. Xulio Xiz

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche. O centro de saúde da rúa...

“Ser joven en España”. José Castro López

“Ser joven en España”. José Castro López

La mayoría de las sentencias judiciales pasan desapercibidas. Otras, sin embargo, sonmuy llamativas porque el veredicto recae sobre aspectos muy sensibles de la vida socialo familiar. Como ha ocurrido en Italia.Hace unos meses un tribunal obligó a dos hombres de 40 y...