Licitados en Ribeira os servizos de monitorado das actividades deportivas do Concello

30 Maio 2022

O Concello de Ribeira vén de sacar a contratación os servizos de monitorado das actividades deportivas do municipio, un paquete de servizos que tamén inclúe masaxe, socorrismo, conserxería, asesoramento e dinamización da sala de fitness, dinamización das pistas de pádel e coordinación do monitorado do Departamento Municipal de Deportes. O orzamento base anual de contratación ascende a 471.382,02, IVE incluído, e a duración do contrato é dun ano, pudendo prorrogarse outro máis.

O Concello explicou que os servizos “serán prestados baixo a dirección e supervisión técnica da Concellería de Deportes do Concello de Ribeira, conforme os detalles especificados no prego de prescricións técnicas que rexerá a contratación”.

Os servizos deportivos comprenden a coordinación, execución, control e avaliación dos programas da oferta municipal, na que a Concellería de Deportes é responsábel en canto ao deseño, planificación e desenvolvemento da mesma.

No que se refire ao servizo de monitorado de actividades dirixidas de auga, a programación tipo que se pretende articular inclúe: cursos de natación para nenos e adultos, cursos de natación para persoas con diversidade funcional, aquagym, natación bebés e natación terapéutica. En canto ao monitorado de actividades dirixidas de sala: bike, pilates, ioga, aerobic, zumba, gap e ximnasia de mantemento de adultos.

As empresas interesadas poden presentar as súas ofertas ata o 26 de xuño á medianoite a través do Sistema de Licitación Electrónica da Xunta de Galicia (SILEX).

Outros artigos

Comezaron en Ribeira as obras de mellora do parque Pedra Pateira

O Concello de Ribeira informou de que xa comezaron este mes de marzo as obras para poñer a punto o parque infantil de Pedra Pateira, no barrio de Bandourrío (Santa Uxía). A actuación contempla unha liña de pluviais para evitar a acumulación de auga superficial, novos...

+

Ana Peleteiro: nai e medallista no Mundial Indoor de Glasgow

Antón Luaces-. Aos seus 28 anos, a atleta ribeirense Ana Peleteiro, especialista en triplo salto, acadou a medalla de bronce no seu retorno á pista cuberta após ser nai. Foi nesta fin de semana e a súa medalla a primeira española na final do Mundial indoor de Glasgow...

+

Publicidade

Revista en papel

Opinión

“Rodar e rodar”. Carlos Moledo

“Rodar e rodar”. Carlos Moledo

Recordarán los lectores que hace apenas quince días Galicia estaba inmersa en unacaloradísimo debate socio-político planteado por múltiples formaciones políticas, algunas yacasi extintas a día de hoy, al menos hasta dentro de cuatro años. Dichos partidos políticos,...