En Ribeira denunciados dous conductores por superar a taxa máxima de alcohol permitida

Dous condutores foron denunciados na noite pasada pola Policía Local por superar a taxa
máxima de alcohol permitida: nun dos casos dando como consecuencia un presunto delito contra a seguridade viaria e no outro unha infracción adminitrativa.
Así, en torno ás 23.20 horas unha chamada anónima informou de que un vehículo estaba realizando unha condución errática. Acto seguido, unha patrulla foi requerida por un cidadán no casco urbano para
alertar de que apenas facía uns instantes un vehículo ía dando banzados no carril, co seu condutor gritando pola ventanilla. Iníciase a búsqueda do vehículo, que é localizado saíndo pola rotonda de
praza dúas Mariñeiros, dirección Aguiño, desvíase a Praza Pontevedra, onde finalmente dáselle o alto.
No habitáculo de condución aprécianse restos de bebidas alcohólicas e botes de cervexa baleiros, en tanto que o condutor presenta signos evidentes de consumir alcol, balbuceo, contestacións inconsistentes, halitosis alcohólica… As probas de detección alcohólica arroxan un resultado de 0.83 e 0.86 mg/ l, procedendo a facer un atestado por un suposto delito contra a seguridade viaria.
Máis tarde, en torno ás 3.50 horas unha patrulla observa un vehículo sube por zona peonil do Malecón de Ribeira, cara á praza de Compostela, onde estaciona. Debido á manobra realizada dáselle o
alto á condutora, quedando en evidencia neste momento o estado de embriaguez da condutora. Realízase a proba de detección de alcol, lanzando un resultado de 0.53 mg/ l na primeira proba e 0.59 mg/ l de aire expirado na segunda. Tramítase a correspondente denuncia administrativa.