A Fiscalía pide para a acusada dous anos e dez meses de prisión, mentres que para os homes solicita cinco anos e medio. Os feitos remóntanse ao 2019, cando o 11 de xaneiro a muller foi intervida polos corpos de seguridade no centro urbano ribeirense portando 3,166 gramos de heroína do 54,4 % de riqueza e 4,99 gramos de cocaína do 95,2 % de pureza. O prezo pola venda destas substancias en doses alcanza os 1.892 euros.
Segundo recolle La Voz de Galicia a muller adquirira as drogas ese día a outro dos acusados, ao cal acudía diariamente para facerse coas substancias e logo vendelas, sendo esta a súa fonte habitual de ingresos, destaca a Fiscalía. O home preparaba as doses nun piso que tiña alugado, pero unha vez foi descuberto cambiou de vivenda.
Ambos foron detidos en abril do 2019 con máis de oito gramos de cocaína, distribuída en varias bolsas con diferente riqueza.
