Os enterros tradicionais de Boiro relativos ás festas do Entroido, que se celebran nas distintas parroquias do concello, forman parte do proxecto Saberes Próximos que ten como obxectivo recoller, gardar e compartir tradicións, costumes e coñecemento. Trátase dun proxecto que leva a cabo Ben Curiosa coa colaboración da Deputación da Coruña mediante o seu programa de Proxectos Singulares.
Saberes Próximos é un proxecto dixital arredor das persoas e o patrimonio inmaterial que ten como obxectivo “dar visibilidade ás persoas e colectivos que recollen, gardan e comparten estes saberes e que van dos oficios á tradición oral, pasando pola festa, a música e o baile, a cociña ou a memoria colectiva”.
Os enterros tradicionais que o pobo de Boiro celebra no Entroido pasan a formar parte deste proxecto coa finalidade de dar a coñecer estas costumes do noso municipio. Forman parte deste proxecto o enterro da Cunca de Praia Xardín; o enterro do Óso de Abanqueiro; o enterro do Felipiño de Escarabote e o enterro do Farruco en Cabo de Cruz.
Neste proxecto derivan iniciativas que conta cunha grande tradición de moitos anos como son os enterros do Óso e o Felipiño; e outras máis recentes ou que se recuperaron como son o de Praia Xardín.