Boiro acolle os días 12 e 13 de xullo a primeira edición do Bacanito Fest

16 Maio 2024

O Concello de Boiro colabora coa organización da primeira edición do Bacanito Fest, un festival de música previsto para os días 12 e 13 de xullo en Valiño. A concelleira de Cultura, María Outeiral, participou este 16 de maio na presentación do evento xunto con Mateo Fajardo e Diego Tercero, da organización.

Segundo indicaron, para dar a coñecer este festival, o xoves 16 de maio celébrase a Bacanito Party, unha festa ao aire libre que dará comezo ás 22.00 horas na explanada do skatepark de Boiro con actuación de Axel Verdier, Coro, Diego Tercero, Mateo Fajardo, Mateo Abelleira e Kai Prado. “Con esta actividade buscamos promocionar o gran festival do mes de xullo, cun evento gratuíto e no que van participar dous DJ de Mallorca e tres da comarca e para axudar aos locais de Boiro farán a post-festa na Pousada”, afirmou Diego Tercero.

Os detalles do Bacanito Fest para os dias 12 e 13 de xullo iranos anunciando a través das redes sociais do festival coas novas fichaxes de artistas. Polo momento están confirmados Mateo Abelleira, Mateo Fajardo, Maqui, Lustres, Dumore, Recho… e outros moitos. “Dende o Concello estamos moi contentos de apoiar esta nova asociación creada ca ilusión de ter máis actividades culturais no noso termo municipal e na comarca do Barbanza cun proxecto tan grande que nace este ano e esperemos que se consolide”, afirmou a concelleira de Cultura, María Outeiral.

As entradas para o Bacanito Fest están xa á venda e poden conseguirse online a través das redes sociais oficiais do festival, por exemplo en Fourvenues.es.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...