Accidente de tráfico no acceso ao polígono de Espiñeira, en Boiro

16 Maio 2024

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro.

Á chegada dos bombeiros as persoas implicadas no accidente estaban fóra do vehículo sinistrado. O condutor do mesmo indicou que por unha indisposición perdeu o control do automóbil na entrada dunha rotonda, causando que o coche rematara nun rego de pluviais subido ao terraplén de acceso ao polígono.

As persoas ocupantes e o condutor foron trasladados ao seu domicilio e a limpeza da vía foi levado por operarios de mantemento da AG-11.

No operativo tamén participou a Garda Civil de Tráfico de Santiago de Compostela e o 061 e Protección Civil de Boiro.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...