A nosa comarca é un resumo do mellor da xeografía galega e no Concello de Porto do Son sábeno ben, de aí que poñan especial esforzo en lucir tesouros paisaxísticos, ambientais e patrimoniais a través dunha serie regular e continua de roteiros: a serie de percorridos O Son Camiña. Este 8 de maio, sen ir máis lonxe, toca vivir unha nova experiencia nos camiños do termo municipal.
A Ruta Panorámica (que entre outras cousas permitiranos ascender ás alturas da Serra do Barbanza e contemplar boa parte da ría de Muros e Noia, co monte Louro ao fondo) presenta 15 quilómetros de distancia e unha dificultade media. A saída será ás 9.00 da mañá dende a praza do Curro de Portosín. As prazas serán novamente limitada e curte por participar de 5 euros (as persoas interesadas en percorrer este roteiro teñen que facer o pago na Oficina de Deportes ou ben a través da conta S242080031245311000-0102 co concepto “Ruta panorámica” + nome da persoa participante. Colabora a Cruz Vermella de Noia.
