Unha vintena de persoas participou na xornada sobre problemas de conduta na adolescencia celebrada en Dodro

O Local Multiusos da Paxareira, en Dodro, acolleu a semana pasada, o xoves 24 de febreiro, unha actividade formativa de interese para as familias con adolescentes, para educadores e, en xeral, para as persoas que traballan con adolescentes: a xornada Problemas de conduta na adolescencia.

Foi unha formación que tratou temas de gran interese social, impartida pola psicóloga Patricia Purrua, que puxo de manifesto a evolución que sufrimos ao longo da adolescencia así como os principais problemas que se sofren nesa etapa. Participaron unha vintena de persoas.

Organizou a Escola Galega de Saúde para Cidadáns, a Unidade de Prevención de Condutas Aditivas de Dodro-Padrón-Rois-Valga e os Concellos de Dodro, Padrón, Rois e Valga, xunto coa Xunta de Galicia (Consellería de Sanidade).