En Ribeira arrancan os traballos de reforma dunha antiga nave portuaria para servizos asociados á nova terminal de autobuses

O Concello de Ribeira informa do inicio dos traballos dirixidos a reformar unha antiga nave
do porto de Ribeira coa fin de prestar alí servizos asociados á nova Terminal Central de Autobuses fronte á praza Heroínas de Sálvora.
Neste senso, de acordo co proxecto técnico, elaborado polo arquitecto Carlos Seoane, a estrutura contará cunha zona de espera subdividida en dous espazos (unha de asentos e outra para estar de pé, con superficies de 25,4 e 41,1 metros cadrados, respectivamente), ademais de crear dous aseos (un apto para
persoas con mobilidade reducida) e dispoñer un punto de venta de billetes integrado por dúas oficinas, cada unha con entrada independente dende o exterior.
A intervención pretende harmonizar co contorno conservando rasgos como a cuberta e o ritmo dos piares en resalto que vinculan co resto dos almacéns desta parte do porto.
A obra foi adxudicada a Abootec Promociones y Gestiones Inmobiliarias, S.L. e composta un investimento de 64.009 euros.