En Ribeira aprobadas as declaracións de necesidade para licitar cinco obras en catro parroquias

O Concello de Ribeira vén de aprobar a declaración de necesidade de cinco actuacións localizadas en Aguiño, Corrubedo, Carreira e Palmeira, que suman un investimento de 700.559,55 euros, paso previo para que o departamento municipal de contratación as saque a licitación.

A rúa Chaprado de Corrubedo

En concreto, as obras a licitar consisten no pavimentado, saneamento e abastecemento en Braña do Muro en Aguiño (cun investimento de 133.104,94 euros); na pavimentación e renovación das redes de auga para consumo e pluviais na rúa Celso Emilio Ferreiro en Aguiño (189.765 euros); na pavimentación, pluviais e saneamento nas rúas Chaprado e Ceboleira en Corrubedo (92.687,79 euros); no saneamento, pavimentación e abastecemento no lugar de Frións en Carreira (154.081,94 euros) e na instalación de rede de saneamento e abastecemento no lugar de Sampedro en Palmeira (130.919,88 euros).

Fontes do Concello lembran que o pasado mes abríronse as ofertas para a contratación doutras doce obras dedicadas a pavimentacións, saneamentos e outros servizos en Aguiño, Castiñeiras, Oleiros, Olveira, Palmeira e Santa Uxía por valor de 1.246.467,61 euros. Presentáronse un total de 208 propostas e están pendentes de adxudicación.

A rúa Celso Emilio Ferreiro en Aguiño