A AEP, Asociación de Empresarios de Portosín, en colaboración co Concello, organiza o vindeiro domingo (domingo 13 de marzo) a cuarta edición do Outlet Portosín. Como de costume, habilitaranse na praza do Curro unha serie de tendas baixo carpa en horario de 12.00 a 20.00 horas. Achegaranse descontos de até un 70%. O programa de actividades, amais das promocións e os descontos ao servizo da cidadanía, incluirá xogos populares pola tarde (a partir das 16.30 horas) para os máis pequenos e outras actividades (por exemplo un obradoiro de pintacaras en horario de 12.00 a 14.00 horas).
