Volve a Andaina Nocturna de Nebra, logo de éxito de participación do ano pasado, e faino cunha segunda edición programada para o sábado 20 de xuño a partir das 22.00 horas (recepción) na Casa Veciñal de Nebra (campo da festa) e cun prezo de oito euros de inscrición.
“Volvemos á carga coa II Andaina Nocturna de Nebra, unha noite para camiñar, rir, pasar medo, percorrer os camiños da parroquia e vivir unha experiencia chea de emoción e inesquecible”, sinalan dende a organización.
Respecto das normas, está prohibido o uso de lanternas, xa que non se trata de “iluminar os camiños nin a estragar sorpresas”, engaden.
O que si que cómpre levar para participar na Andaina é o seguinte: “Traer ganas de pasalo ben, deixar os medos na casa e virmos preparados para levar algún susto”, sinalan dende a Comisión de Festas de Nebra (coa colaboración do Concello do Son).
As prazas son limitadas.
Ao remate do percorrido haberá petiscos e música a cargo de DJ Cobas.
