Aberto o prazo de inscrición para cursar o obradorio preparatorio da proba de acceso ao Conservatorio de Ribeira “Enrique Paisal”

O Conservatorio de Música Profesional ‘Enrique Paisal’ convoca un obradoiro de preparación da proba de acceso a este centro musical situado en Ribeira. O seu director, Álvaro López, e mais a concelleira de
Educación do Concello, Juana Brión, explicaron os pormenores para poder participar nun curso que está dirixido a nenos e nenas de entre os 8 e os 14 anos.
O prazo de inscrición abre hoxe 3 de marzo e hai prazas limitadas.
As clases terán lugar en 4 sesións de frecuencia semanal distribuídas entre o 21 de marzo e o 24 de abril, con tres grupos de alumnos (12 máximo en cada un deles) que acudirán en días distintos (máis información nos cartaces adxuntos).
Álvaro López recalcou que a proba de acceso ten carácter obrigatorio nos conservatorios e manifestou que se traballarán cos nenos diferentes aspectos que se precisan para poder tocar instrumentos, como a psicomotricidade, o ritmo, o pulso. Será impartido polo profesorado do centro.
As inscricións son por orde de entrega unha vez descargado o formulario dispoñible na páxina web do Concello (www.ribeira.gal) e que deberá ser enviado por correo electrónico a secretario.conservatorio@ribeira.gal.