O Concello de Boiro leva a cabo obras de pavimentado na rúa Nova

O Concello de Boiro comezou os traballos de pavimentado na zona da rúa Nova, unha actuación incluída no proxecto para a reparación e mellora de beirarrúas e pavimentos con cargo ao POS da Deputación da Coruña. O Concello de Boiro, con fondos propios, completou as actuacións que se levaron a cabo na zona para o acondicionamento íntegro do espazo.

A obra comprende o fresado de actuación e o posterior pavimentado da rúa, con especial incidencia no peraltado da rúa de leste a oeste, co obxecto de que as augas da choiva se recollan axeitadamente na rede de sumidoiros instalada hai pouco. O Concello de Boiro está actuando en toda a zona, levando a cabo unha reordenación dos espazos de aparcamento para mellorar a circulación da zona e a seguridade viaria.