Amicos recolleu 197 quilos de lixo na Praia de A Ladeira en Corrubedo

Amicos iniciou hoxe as accións de recollida de lixo con empresas do sector recreativo e usuarios locais no marco do proxecto de RE-MAR III: Custodia ambiental para a redución de residuos no espazo mariño protexido do Arco Atlántico Galego.
Na xornada, que contou coa colaboración de Grip Surf School, recolleuse 197 quilos de residuos
mariños en a praia de ‘A Ladeira’, en Corrubedo (Ribeira).
Coa axuda dunha ducia de voluntarios da escola de surf galega, as persoas con discapacidade
recorreron a praia de ‘A Ladeira’ na procura de plásticos, madeiras, cordas e produtos contaminantes para o medio ambiente. Entre todos, conseguiron sumar un total de 197 quilos de residuos que o mar foi depositando no areal.
As persoas de Amicos que participaron na actividade como por exemplo Carmen, Javier, Gonzalo
e Sergio, entre outros, mostraron a súa alegría de poder colaborar cos compañeiros de Grip Surf
nesta actividade, pois xa non é a primeira vez que comparten espazo e tempo xuntos.
A escola de surf galega está localizada na propia praia de ‘A Ladeira’, en Corrubedo. Os especialistas en ensinar o imprescindible sobre o Surf levan impartindo clases dende 2015 e contan con máis de 20 anos de experiencia no sector.
RE-MAR é un proxecto impulsado pola Asociación Amicos coa colaboración da Fundación Biodiversidade, do Ministerio para a Transición Ecolóxica e Reto Demográfico, a través do Programa Pleamar, cofinanciado polo FEMP. Este proxecto é complementario ao proxecto LIFE IP Intermares.