A Xunta de Galicia, a través da Consellería de Sanidade, dispensará a partir dos días “4 ou 5 de xaneiro”, en función da chegada das doses, unhas 37.000 vacinas a nenos e nenas de 9, 8 e 7 anos.
Así o avanzou o presidente do Goberno galego, Alberto Núñez Feijóo, quen sinalou que se prevé que o día 3 cheguen a Galicia outras 37.000 vacinas. A elas, dixo, sumaranse outras 37.000 a segunda semana de xaneiro.
En declaracións aos medios tras participar nun acto en Santiago, o máximo mandatario autonómico destacou que a Xunta tamén ofrecerá a partir deste luns, día 20 de decembro, as doses coas que aínda conta tras vacinar nas últimas xornadas ao 87% dos nenos e nenas de entre 11, 10 e 9 anos citados.
Precisamente, o presidente destacou que a porcentaxe de vacinación nesta franxa de idade “é moi alto” por ou que agradeceu aos pais e nais “a súa responsabilidade” e aos menores “a súa colaboración”.
Ademais, sostivo que “sería bo” que Galicia puidese contar con “máis dose” de aquí ao día 10 de xaneiro para poder “ofrecer unha dose a todos os nenos e nenas de 11 a 5 anos”.
