Novo impulso á rehabilitación dos centros históricos de Rianxo e Noia

05 Decembro 2021

Este 2 de decembro a Cidade da Cultura de Galicia (Santiago) acolleu a sinatura dun novo convenio para fomentar e impulsar a recuperación arquitectónica e urbanística das zonas históricas das nosas vilas e cidades. A cita contou coa presenza da ministra de Transportes e Mobilidade, Raquel Sánchez, da conselleira de Medio Ambiente, Territorio e Vivenda, Ángeles Vázquez, do director xeral do Instituto Galego de Vivenda e Solo, Francisco Javier Martín, e dos alcaldes de 22 concellos galegos.

No caso da nosa comarca, incluíronse no reparto as Áreas de Rehabilitación Integral (ARIs) de Rianxo e Noia. En total, distribuiranse 10,2 millóns de euros.

No caso de Rianxo, deuse un novo empuxe á ARI local, que abrangue o centro histórico de Rianxo e os núcleos de Fincheira e Rianxiño. Formalizáronse seis novas actuacións no concello a financiar en vivendas. O importe total desta anualidade son 166.494,83 euros dos que o Estado achega 53.000 €, a Xunta 13.695 €, o Concello 39.799,83 € e os particulares beneficiarios das axudas 60.000 euros.

No caso de Noia, o Concello comunicou que aportará máis de 73.000 € para estas axudas.

Axudas a particulares e tamén para os concellos

Á contía mobilizada xa en Galicia desde a posta en marcha do programa súmanse agora os 10,2 millóns de euros que achegarán a Xunta e o Goberno central en virtude dos convenios asinados e co fin de financiar actuacións en 40 ARI galegas.

En concreto, dos 22 municipios beneficiados nesta última convocatoria, seis pertencen á provincia da Coruña —Ferrol, Mugardos, Corcubión, Noia, Rianxo e Santiago de Compostela—; nove á de Lugo —Castro de Rei, Chantada, Guitiriz, Lugo, Mondoñedo, Monforte de Lemos, Quiroga, Ribadeo e Sober—; tres son de Ourense —Castro Caldelas, Ourense e Ribadavia—; e catro de Pontevedra —Caldas de Reis, Pontevedra, Tui e Vigo—.

Unha vez asinados os convenios específicos con cada un dos concellos, serán agora as propias Administracións locais as que procedan a convocar as axudas, ás que poderán optar os propietarios de vivendas e edificios a rehabilitar con fins residenciais dentro de cada ARI. O importe máximo destas subvencións, que se poderán executar ata o ano 2025, é de 24.000 euros por vivenda.

Ademais, os concellos recibirán tamén axudas para executar pola súa conta actuacións de urbanización e reurbanización de espazos públicos no ámbito da Área de rehabilitación integral, cun importe de ata 2.000 euros por vivenda rehabilitada; así como financiamento para sufragar os custos da oficina municipal de rehabilitación.

Outros artigos

Incendio de colector de lixo no concello de Rianxo

Os bombeiros do parque Comarcal Provincial de Boiro acudiron ás 7:30 á Rianxo por mor dun incendio nun colector de lixo no lugar de Ourolo, fronte o Bar Confort en Taragoña. Á chegada dos efectivos a Policía Local de Rianxo xa tiña o lume case extinguido ao...

+

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...