Este domingo 14 de xuño vaise celebrar un espectáculo teatral para a rapazada no Auditorio de Rianxo, na Sala Arcos Moldes. Trátase da función Unha de contos des contados, a cargo de Armadanzas Teatro. Será unha cita cultural de entrada libre ata completar a capacidade que dará comezo ás 19.00 horas.
Trátase dun espectáculo teatral que revisita e deconstrúe algúns contos clásicos de sobra coñecidos e que está interpretado polo elenco da compañía amateur Armadanzas, xurdido da asociación cultural rianxeira Ondiñas Mainas, baixo o texto e dirección de Amantia Coello.
