En Ribeira adxudicados o proxecto de expropiación e os servizos de arqueoloxía do novo polígono

08 Decembro 2021

O Concello de Ribeira informa da adxudicación e formalización do proxecto de expropiación e os servizos de arqueoloxía do novo polígono de Ribeira, que se corresponden cos lotes 1 e 2 da licitación do servizo de planeamento necesario para a execución desta área industrial de 258.000 metros cadrados situada no contorno de Fontenla e Areas
Vermellas, na parroquia de Ribeira.
Polo que respecta ao proxecto de urbanización, a adxudicación recaeu na entidade Fernández Carballada y Asociados, S.L.P., conforme a unha proposta de 43.560 euros, IVE incluído, en tanto que a execución dos servizos de arqueoloxía recaeron na empresa Árbore Sociedade Cooperativa Galega por 26.194 euros.
Xa que logo, unicamente está pendente de adxudicación o lote 3, que se corresponde coa redacción do proxecto de urbanización cun prezo inicial de licitación de 173.030 euros e no que a primeira clasificada resultou Monsa Urbanismo S.L. de entre as catro ofertas presentadas.
Cómpre lembrar que paralelamente se estiveron a dar outros pasos encamiñados a materialización do polígono. Así, no pleno celebrado o pasado mércores 1 de setembro aprobou a concertación dunha operación de préstamo a longo prazo de 1,2 millóns de euros co propósito de financiar a expropiación dos terreos para o novo polígono.
Ademais, o 23 de novembro no Diario Oficial de Galicia se anunciaba pola Xunta a aprobación definitiva da modificación puntual Plan Xeral que facía posible a creación desta zona industrial logo de preto de catro anos de informes e trámites.

Outros artigos

Publicidade

Revista en papel

Opinión

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...