O vindeiro 18 de decembro vaise celebrar na Casa da Cultura de Outes a presentación do volume número 17 do anuario Barbantia (Anuario de Estudos do Barbanza 2021), a cargo da asociación cultural do mesmo nome.
A cita será ás 12.30 horas e dará acollida, tamén, á gala dos XV Premios Barbantia da Cultura 2021, galardóns elixidos a través dos votos das e dos integrantes da asociación até o 10 decembro (as persoas e entidades finalmente distinguidas co sereo de Barbantia sairán dunha listaxe na que aparecen os artistas, escritores, axentes culturais e iniciativas nomeados previamente polas socias e socios).
Barbantia tamén fai saber que este 19 de novembro estará representada no Centro Cultural Lustres Rivas do Concello de Ribeira para participar directamente na presentación do poemario Trobar do ar, de Xosé Manuel Lobato, ás 20.30 horas.
