Xosé Manuel Lobato presenta Trobar do ar en Ribeira

A Asociación Cultural Barbantia, Medulia editorial e o Concello de Ribeira organizan o vindeiro 19 de novembro a presentación do poemario Trobar do ar de Xosé Manuel Lobato. Será ás 20.30 h no Centro Cultural Lustres Rivas de Ribeira. Interveñen no acto Xosé Ricardo Losada (profesor e narrador), Xosé Manuel Lobato (poeta e narrador) e Manuel Ruiz Rivas (alcalde de Ribeira).

Xosé Manuel Lobato (Boqueixón, 1958) achega en Trobar do ar “unha proposta de xorne irracionalista na que os contidos e as mensaxes, non sempre nidias, harmonízanse con imaxes procedentes do ensoño para construír unha totalidade simbólica, parella á convencional, na procura dunha realidade profunda atemporal e certeira, oculta detrás das aparencias”, en palabras de Medulia.