A Xunta aproba de xeito definitivo a modificación do plan xeral que posibilitará a materialización do novo polígono de Ribeira

11 Novembro 2021

A Xunta de Galicia, a través da Dirección Xeral de Ordenación do Territorio e Urbanismo (dependente da Consellería de Medio Ambiente, Territorio e Vivenda) vén de notificar ao Concello de Ribeira a aprobación definitiva da modificación puntual do Plan Xeral Municipal do Concello de Ribeira denominado “Solo Urbanizable Industrial”. Con esta notificación, explica o Concello, “conclúe de xeito satisfactorio unha longa tramitación que incluíu unha vintena de informes (o primeiro deles data de xaneiro de 2018) procedentes de distintos organismos das administracións estatal, galega, provincial e local, período de exposición pública, consultas, declaración ambiental estratéxica, etcétera”.

Esta modificación, engaden fontes do Goberno ribeirense máis en detalle, “supón dar luz verde definitiva á creación do novo polígono industrial na zona coñecida como Fontenla e Pedras Vermellas, na parroquia de Palmeira, que contará cunha superficie de 258.685 metros cadrados”.

O Concello tamén lembra que por unha contía global de 249.260 euros repartidos en tres lotes vén de sacar a licitación a redacción dunha serie de proxectos para avanzar na materialización desta área: os proxectos de urbanización e os servizos de arqueoloxía (en ambos casos as ofertas xa están clasificadas e requiriuse as empresas pertinentes a correspondente documentación antes de proceder, se é o caso, á súa adxudicación definitiva) e o proxecto de urbanización, no que se produciu unha baixa temeraria dándose un prazo para a súa xustificación.

Por outra parte, o orzamento deste ano (que entrou en vigor a semana pasada) contén diversas consignacións sobre o novo polígono. Entre elas, 1,2 millóns para a expropiación de terreos e 7.992.648,32 euros para a súa urbanización.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...