P.P. Logo dos bos resultados acadados polo Puebla e polo CD Boiro na pasada xornada, onde gañaron 3-0 e 0-4 ao Estudiantil e Xallas, ambos conxuntos tentarán manter as boas sensacións.
Por un lado os da Alta visitarán ao Laracha, un rival en horas baixas, situado na parte baixa da clasificación con tres puntos. Os de Jesús Mella parten como favoritos e máis logo das boas sensacións deixadas na anterior xornada. Os pobrenses buscarán un triunfo que os aúpe na clasificación e engancharse aos poltos altos da táboa. O encontro disputarase o domingo ás 17:00 horas no Municipal de Laracha.
Doutra banda, o Boiro recibirá ao Sigüieiro, un equipo mozo, e que se caracteriza polo bo trato de balón. O filial do Compostela está adestrado por Cardeñosa, un vello coñecido no Barbanza. Diego Rivas e Pablo Pérez voltarán á casa, actualmente nas filas dos de Sigüieiro. Aínda que os boirenses teñen a vitola de favoritos, agárdase un encontro moi disputado. O partido xogarase o sábado a partir das 17:00 no Municipal de Barraña.