PP.- Pleno. 12 puntos de 12 posibles para o Noia FS na Segunda Divisións Nacional. Desta vez a vítima foi o Bisontes Castellón, que viu como os de Marlon Velasco lles remontaban o 0-2 inicial para logo saír goleados do Agustín Mourís por 7-2. Unha segunda parte de total superioridade fixo que o marcador aumentara ata consagrar unha goleada que consolida ao Noia FS no liderato. O arxentino Power Raggiati valorou a reacción do equipo e mostrouse moi feliz pola vitoria.
Un mal inicio de encontro por parte dos noieses fixo que os castellonenses se foran atopando cómodos, o que provocou o 0-1 de Yera logo dun despiste en defensa. Reaccionaría o Noia que se topaba co gardaredes visitante en calqueira tentativa. As cousas poñeríanse máis difíciles, logo de que un despexo de Gambín se convertira nun golazo de campo a campo para poñer o 0-2 no electrónico. Partido costa arriba, que se puxo peor aínda coa expulsión por cartón vermello directo a Palmas. E cun xogador menos apareceu o mellor Noia. Bruno Gomes poñía o 1-2 e no 14 Edu Jabá nunha xogada de estratexia empataba o partido. Dous minutos antes do descanso, o Agustín Mourís tornaba en tolemia co gol de Bruno Gomes para consumar a remontada, 3-2 ao descanso.
Á volta dos vestiarios a situación foi ben diferente ao comezo do encontro, un Portus Apostoli crecido e coa moral pola nubes. Así caeron os goles dos pes de Pirata , Power, Altamirano e Joaki que completarían a goleada para o definitivo 7-2.
O Noia FS voltou a dar unha auténtica exhibición de carácter e xogo, que lles serve para manterse no máis alto unha xornada máis cun pleno de triunfos. A próxima semana os de Marlon Velasco quedaranse en Noia por segunda xornada consecutiva para recibir a visita do Movistar Inter B na quinta data do campionato ligueiro.
