Este venres 6 de novembro arrinca finalmente a nova edición do Vai de Tapas Noia, que se celebrará ao longo de toda a fin de semana (ata o domingo 8) dando a coñecer a importante oferta gastronómica da vila en formato miúdo (formato tapa).
Serviranse tapas a 3 €, de elaboración libre e preferentemente con produtos locais.
O miolo do programa de actividades é un concurso para elixir a mellor tapa, coa votación do público e dun xurado.
Haberá sorteos entre as persoas participantes e promoveranse os establecementos en prensa e redes sociais.
Ademais, o Vai de Tapas terá este ano un impulso especial ao coincidir coa actividade de dinamización comercial e descontos MercaNaVila, o Festival de Curtametraxes de Noia e o Magosto.
O Vai de Tapas de Noia está organizado polo Concello de Noia, contando coa colaboración activa da asociación de comerciantes Noia Histórica e o sector hostaleiro local.
O certame levarase a cabo dende o venres 6 ás 18:00 h ata o domingo 8 ás 15:00 h.
Participan os seguintes establecementos: Bar Gasset, Bar Treff, Bar News, Restaurante Baobab, O Bocadito, Equs, Solpor, Baobab, Tamara, Jaratusas, Mesón Senra, Tasca Típica, Taberna do Lelo, Restaurante Mesturas e Restaurante Mar da Vila.
Ademais de permitir a veciños visitantes desfrutar da rica gastronomía local, o concurso inclúe un sorteo de 4 bonos de 50 € para gastar nos comercios de Noia Histórica.
Os horarios poden estar suxeitos a modificacións segundo cada local.
