O Noia venceu ao Alondras (2-1)

O equipo revelación da Terceira Federación continúa sorprendendo a propios e extranos. O Noia voltou a gañar e fíxoo contra un contrastado equipo como Alondras, por 2-1, que lles permite seguir soñando con aspiracións máis altas que ao comezo de tempada.

Comezaba o encontro con moito respeto entre ámbolos dous conxuntos, que querían crear perigo a través da posesión, o que provocou que apenas existisen ocasións claras nos primeiros 45 minutos. Sen embargo, no minuto 48 Mario Prol, o mellor do encontro, meteu un balón ao espazo para Sayés que ao adentrarse no área foi derribado, penalti. Prol, o xoven xogador do Noia de 19 anos, tomou a responsabilidade e anotou, 1-0.

Tralo paso por vestiarios o árbitro aumentou a polémica logo de sinalar unha pena máxima máis que dubidosa a favor do equipo visitante, que Mauro aproveitou para poñer o empate a 1. A partir dese moment só existiu un equipo sobre o verde e foi o Alondras que veu como se lle escapaban as oportunidades. Pero qeun perdoa págao, e así o demostrou o Noia, que nos últimos minutos recompúxose para asestar o golpe definitivo. Pablo Carro meteu un pase a Jesús Sayés que non perdoou para poñer o definitvo 2-1.

Con este triunfo o Noia sitúase na sexta posición con 10 puntos nas primeiras seis xornadas. O vindeiro domingo visitará á UD Somozas, que marcha segunda.