“Xa: Pablo Costas viaxará ao Cairo, desde onde virá a Galicia”. Antón Luaces

01 Setembro 2021

Cumpriuse a previsión que faciamos a última hora do martes: Pablo Costas Villar, o capitán do pesqueiro somalí Cobija, non abandonou o Iemen o mércores, data fixada para emprender o seu regreso a Galicia, O mesmo mércores, trasladóuse -ou trasladárono- á cidade de Seywun, situada a 278 quilómetros de Al Mukalla, porto este no que permanece o buque que estivo ao seu mando e o resto da tripulación do mesmo, uns a bordo do Cobija e outros aloxados en hoteis da zona.

A intención do Ministerio de Asuntos Exteriores era que o mércores, 1 de setembro, o capitán Costas deixara o hotel ao que se trasladara a pasada fin de semana. Pero, finalmente, e por unha simple cuestión de seguridade, os responsables consulares españois optaron polo traslado a outra cidade -como queda dito a de Seywun, cuxo aeroporto ten conexión co da capital exipcia, O Cairo. Este voo do día 2 de setembro, tiña prevista a súa saída cara á capital exipcia ás 10,30, hora local.

O máis probable é que Pablo Costas permaneza polo menos 24 horas no Cairo. Esta debe ser, ao menos, a programación deseñada polo Ministerio español de Asuntos Exteriores, que lle reservou unha habitación nun hotel cairota. Polo tanto, entre o venres e o sábado, o mariñeiro de Bueu estará na súa vila de residencia, na provincia de Pontevedra, xunto coa súa familia. En Bueu tentará superar os efectos pouco agradables de tantos meses alonxado, por unhas ou outras circunstancias, dos seus, ao tempo que poderá saber que proxectos ten para el o Goberno español, sobre todo se vai entrar ou non na dinámica de coñecer da denuncia por pesca ilegal que as autoridades australianas tramitaran no Iemen e os pasos dados pola xustiza iemení para o recurso presentado contra unha sentenza, asimesmo da Xustiza iemení, que castigara a Costas Villar a permanecer retido no barco por un período de tres meses (e no que permaneceu por espazo de case que un ano).

A Pablo Costas aplicáronselle controis anticoronavirus en Seywun. Supostamente tamén no Cairo, o mesmo que se vai facer en Madrid cando chegue ao aeroporto Adolfo Suárez da capital española. De aquí emprenderá viaxe cara a Galicia. Supostamente a Vigo, aínda que non se desbota a posibilidade de que voe a Santiago de Compostela.

Outros artigos

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...

+

“Yo soy español, español…”. José Castro López

Fue el eslogan coreado por millones de españoles en todo el país en la noche deldomingo cuando el árbitro del España-Inglaterra decretó el final del partido que dabacomo vencedor al equipo nacional. La victoria fue la culminación de un campeonatobrillante por parte de...

+

“Defender o mar tamén en Europa”. Antón Luaces

Altri, a multinacional portuguesa que pretende instalar no concello lucense de Palas de Rei unha industria de celulosa, nega calquera posibilidade contamiñante derivada desta actividade.  E a Xunta de Galicia, como tantas veces, cala. E cala cando o fragor da...

+

Publicidade

Revista en papel

Opinión

“La palabra” – Manuel Domínguez

“La palabra” – Manuel Domínguez

La palabra. Hay quien a las palabras le pone colores, ,o tal vez a la musiquita que acompaña a la palabras. San Juan dice claramente: “La Palabra se hizo carne y habitó entre nosotros”, La palabra es la comunicación, es el arma más poderosa. Con la palabra, podemos...

“Non todo vale”. Antón Luaces

“Non todo vale”. Antón Luaces

Unha cousa é o que dí o Tribunal Supremo en relación coa eólica mariña, e outra moi distinta a realidade que viven aqueles que, como os traballadores do sector pesqueiro, dependen tan diretamente da posibilidade de pescar alí onde asenta a eólica desas...