O artista José Luis Veiras Manteiga vai expor a partir deste venres no Centro Cultural Lustres Rivas unha nova proposta cultural titulada “Noir Blanc”, formada por 27 obras en tinta e acrílico sobre papel correspondentes a unha mostra inédita datada de 1991 que sae agora á luz por primeira vez.
O acto inaugural terá lugar o venres a partir das 21 horas e a mostra poderá ser visitada de luns a venres de 10 a 14 e de 19 a 21 horas e os sábados de 11 a 14 horas. A entrada é gratuíta. Permanecerá no Lustres Rivas ata o 9 de outubro.
Aquelas persoas interesadas en asistir á inauguración deben inscribirse enviando un mail a culturaefestexos@ribeira.gal. O aforo está limitado a 50 persoas.
A exposición está organizada pola Concellería de Cultura coa colaboración da Fundación Museo de Artes.
