Suma Ribeira presenta unha iniciativa para garantir o cumprimento dos acordos plenarios

24 Setembro 2021

A agrupación Suma Ribeira anunciou que vai defender no vindeiro pleno ordinario da Corporación local unha iniciativa para activar “medidas que garantan a transparencia sobre as actuacións levadas a cabo polo equipo de Goberno para o debido cumprimento dos acordos plenarios”.

Xurxo Ferrón, voceiro de Suma Ribeira

Suma Ribeira, a través do seu voceiro, Xurxo Ferrón, vén de rexistrar esta iniciativa toda mostrando seu convencemento na importancia das proposicións ao pleno para contribuír a mellorar a calidade de vida dos veciños e veciñas, “polo que o seu grao de cumprimento ou incumprimento é indicativo da saúde democrática do Goberno e, por extensión, de toda a Corporación municipal, sobre todo en casos nos que o Goberno no está amparado pola maioría, pois pode entenderse que o resto dos grupos son cómplices da desidia do equipo do rexedor”, explica.

A agrupación recoñece a súa preocupación polo que considera “unha demora nas respostas escritas dirixidas ao alcalde para responder persoalmente ou en sesión plenaria” e cualifica de “especialmente reprobábel que coincida o incumprimento dun acordo máis a falla de resposta en tempo razoábel e legal a unha pregunta rexistrada por un concelleiro/a”. E engaden: “Transcorrido máis do sesenta por cento do mandato desta Corporación, en Suma Ribeira temos o convencemento de que debe suspender sen paliativos a actuación do alcalde e equipo de Goberno, tanto no referente ao grao de cumprimento dos acordos plenarios como no que atinxe ao nivel de resposta as preguntas formuladas”.

A través de proposición que defenderán no próximo pleno, piden o seguinte:

1. “Que todas as integrantes da Corporación municipal sexan informadas puntualmente das actuacións levadas a cabo pola alcaldía e equipo de goberno para o cumprimento dos acordos plenarios”.

2. “Que no prazo máximo de tres meses nun apartado da web municipal, en lugar preferente, figure información facilmente accesíbel sobre: mocións presentadas polos distintos grupos municipais e enlace de acceso ao vídeo sobre o debate no pleno da mesma; resultado das votacións sobre as proposicións e o voto dos concelleiros e concelleiras agrupados por grupos políticos; grao de cumprimento actualizado das proposicións aprobadas, explicando as xestións e actuacións realizadas; e no caso de haber proposicións nas que non se realizaron avances no seu cumprimento deberán xustificarse as razóns técnicas, xurídicas ou políticas que motivaron a falla de avance na súa execución”.

3.- “Que por parte da alcaldía e equipo de Goberno, se proceda a responder por escrito dilixentemente as preguntas rexistradas polas concelleiras para así ser contestadas. En todo caso, as respostas escritas non se demorarán máis dun mes, e, de non ser posíbel por razóns que o xustifiquen, procederase a notificarlle estas razóns á solicitante dentro do prazo citado”.

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...