O Rotogal Boiro Voleibol acabou cuarto na Copa Galicia, torneo celebrado hoxe en San Sadurniño. O conxunto de Marcelo “Chinés” Benavídez perdeu o partido pola terceira praza contra o Dumbría (2-3), idéntico resultado ao cultivado unhas horas antes na semifinal contra o equipo anfitrión.
O partido matinal contra o San Sadurniño estivo marcado pola igualdade. O Rotogal Boiro Voleibol cedeu a primeira manga, pero remontou e mesmo tivo a opción de inclinar a balanza ao seu favor no cuarto parcial. Con todo, o conxunto visitante non rematou a faena e os locais aproveitaron a ocasión para equilibrar o marcador.
O quinto set estivo marcado por un parón de case corenta minutos no xogo que arrefriou a ambos os conxuntos. A pesar de que o Rotogal Boiro Voleibol empezara mellor, o San Sadurniño remontou para coarse na final.
Rotacións
Dúas horas despois de acabar as semifinais, o Rotogal Boiro Voleibol volveu saltar á cancha para medirse co Dumbría. Marcelo “Chinés” Benavídez apostou por unha aliñación de xuvenís para enfrontarse a un rival que milita na Superliga 2. O Rotogal deu unha boa imaxe, pero volveu ceder o partido no quinto set.
José Carlos Romero, oposto cubano que se incorporou antonte ao Rotogal Boiro Voleibol, debutou hoxe co equipo de Marcelo Benavídez. O técnico optou por dosificar aos seus xogadores debido á alta carga de traballo acumulada durante as semanas de pretemporada.
Rotogal Boiro Voleibol, 2: Ismael Martínez, Mateo Fajardo, Alan Davila, Carlos García, Antón
Ordóñez, Jose García y Alberto Tubío (líbero).
Dumbría, 3.
Sets: 0-1 (21-25), 1-1 (25-17), 1-2 (23-25), 2-2 (25-23) y 2-3 (9-15).
Árbitro: Laura Olveira.
Incidencias: Partido por el tercer puesto de la Copa Galicia disputada en el Pabellón de San
Sadurniño
San Sadurniño, 3: Michael Keegan, Leonardo Pinheiro, Marcos Blanco, Fran Fernández, Boris
Rodríguez, José Verdi y Marcos Piñón (líbero). También jugó Marcus Vinicius.
Rotogal Boiro Voleibol, 2: Gaspar Bitar, José Carlos Romero, Gaby del Carmen, Pablo Nieto, Renan
Levandoski, Mario Iglesias y Adrián Alves (líbero). También jugaron Ismael Martínez y Cristóbal
Álvarez.
Sets: 1-0 (25-14), 1-1 (23-25), 1-2 (22-25), 2-2 (27-25) y 3-2 (16-14).
Árbitro: Laura Olveira.
Incidencias: Semifinal de la Copa Galicia disputada en el Pabellón de San Sadurniño.