O Concello de Ribeira amplía con accións de sendeirismo o programa de dinamización para maiores

13 Setembro 2021

O Concello de Ribeira ampliou a listaxe de actividades de dinamización social para os maiores do municipio. Fíxoo cunha serie de saídas de sendeirismo dende as parroquias.

En total, serán seis actividades de lecer saudábel as ofrecidas ao abeiro do Programa de Dinamización Social e Cultural das Persoas Maiores que promove a Concellería de Servizos Sociais. Prolongaranse entre mediados de outubro e o vindeiro mes de xuño de 2022.

A concelleira de Servizos Sociais, Ana Barreiro, acompañada da xefa de servizo deste departamento, Francisca Vidal, debullou este 13 de setembro as accións que forman parte do programa, entre as que terán lugar as xa consolidadas como os obradoiros de estimulación da mente (obradoiros de memoria), de enriquecemento educativo ou de lingua e cultura galega. Tamén está programado un taller de artes plásticas con Fernando Yáñez. A gran novidade serán, como dixemos, as saídas de sendeirismo dende distintas parroquias.

Ximnasia adaptada

Ademais, sinalaron Barreiro e Vidal, “dado o interese manifestado por moitos usuarios para que se retome a ximnasia adaptada, que o pasado ano non puido ter lugar debido á COVID, abrirase un prazo de preinscrición no que queda de mes para coñecer cantas persoas desexarían participar e poder reagrupalas”.

Así mesmo, tocante ao resto de actividades as inscricións están abertas e pódense formalizar tanto na Oficina de Atención Cidadá como no Departamento de Servizos Sociais ao longo do mes de setembro.

Outros artigos

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...