En Ribeira identificados tres homes pola agresión a un mozo

Axentes da Policía Nacional identificaron a tres homes pola agresión a un mozo en Ribeira, na madrugada do sábado ao domingo

Polo momento aínda non se produciron detencións en relación aos golpes que, presuntamente, recibiría o mozo por parte dos identificados, uns feitos que se produciron de madrugada no exterior dun local de lecer nocturno no barrio ribeirense de bandourrío, tal como informamos en obarbanza.gal.
Desde a Policía Nacional, ratificaron que se descoñece por agora a causa que orixinou a agresión ao mozo, que tivo que ser trasladado ao Hospital Clínico de Santiago debido ás lesións sufridas.

A Policia mantén a investigación aberta e a familia da vítima presentou xa denuncia en relación ao ocorrido.