Un mozo de 19 anos veciño de Ribeira tivo que ser levado esta pasada madrugada ao Clínico de Santiago despois de recibir unha malleira no barrio de Bandourrío.
O mozo que estaba na porta dun pub recibiu un golpe na parte posterior da cabeza e tras darse a volta e dirixirse ao mozo que presuntamente o golpeou, e supostamente sen practicamente mediar palabra este propinoulle unha puñada na cara. Aínda que o agredido se defendeu, na pelexa entraron outros dous ou tres novos máis, que seguiron golpeándoo na cara ata tiralo ao chan e propinarlle varias patadas no rostro.
Ata o lugar acudiu unha ambulancia que trasladou ao mozo ao hospital de Barbanza, para ser finalmente derivado ao Clínico de Santiago debido ao estado en que se atopaba.
O mozo terá que ser operado do nariz xa que resultou fracturada despois dos golpes sufridos. A familia do agredido denunciou os feitos na comisaría da Policía Nacional.
